|
Sadis Matalon
ນັກວິໄຈມະຫາວິທະຍາໄລອະລາບາມາ
(www.sadismatalon.com)
ທີມງານວິໄຈຂອງອາເມລິກາ, ໄດ້ຄົ້ນພົບຈຸດອ່ອນເຊື້ອໄຂ້ຫວັດໃຫຍ່ທຸກສາຍພັນ
ເຫັນໂປຣຕີນໄວຣັສທີ່ນຳເອົາເຊື້ອເຂົ້າທຳລາຍເຊລປອດ
ແຕ່ສາມາດຢຸດໄດ້
ດ້ວຍສານຕ້ານອະນຸມູນອິດສະຣະ ເຊິ່ງສາມາດຊ່ວຍປ້ອງກັນບໍ່ໃຫ້ເຊລປອດຖືກທຳລາຍໄດ້
ອະນາຄົດສາມາດນຳໃຊ້ ເປັນແນວທາງຮັກສາ
ຄົນເຈັບທີ່ຕິດເຊື້ອໄຂ້ຫວັດໃຫຍ່
ໄຊນາເດລີລາຍງານວ່າ:
ທີມນັກວິທະຍາສາດຂອງມະຫາວິທະຍາໄລອະລາບາມາທີ່ເບີຣ໌ມິງແຮມ
(University of
Alabama at Birmingham)ເຂດລັດອະລາບາມາ
ຂອງສະຫະລັດ ໄດ້ຄົ້ນພົບຈຸດອ່ອນຂອງເຊື້ອໄວຣັສໄຂ້ຫວັດໃຫຍ່ທຸກສາຍພັນ
ທີ່ເຮັດໃຫ້ມັນສາມາດຖືກທຳລາຍໄດ້ດ້ວຍ
ສານຕ້ານອະນຸມູນອິດສະຣະ ຫຼື ແອນຕິອອກຊິແດນ
(antioxidant)
ເຊິ່ງງານວິໄຈດັ່ງກ່າວໄດ້ຖືກພິມລົງໃນວາລະສານສະຫະພາບສະມາຄົມ
ອະເມລິກາ ເພື່ອການທົດລອງທາງຊີວະວິທະຍາ
(FASEB
Journal)
ສະບັບເດືອນ
ພະຈິກ 2009.
ງານວິໄຈດັ່ງກ່າວຍັງໄດ້ເພີ່ມຕຶ່ມວ່າ:
ສານຕ້ານອະນຸມູນອິດສະຣະທີ່ພົບໃນພືດ ແລະ
ອາຫານທົ່ວໄປທີ່ຄົນເຮົາບໍລິໂພກ
ອາດເປັນກຸນແຈ
ທີ່ສຳຄັນໃນການປ້ອງກັນເຊື້ອໄວຣັສໄຂ້ຫວັດໃຫຍ່
ບໍ່ໃຫ້ໄປທຳລາຍປອດຂອງຄົນທີ່ຕິດເຊື້ອໄຂ້ຫວັດໃຫຍ່ໄດ້
"ການແພ່ລະບາດຂອງໂລກໄຂ້ຫວັດໃຫຍ່ສາຍພັນໃໝ່
(H1N1)
ແລະ ການແພ່ກະຈ່າຍເຊື້ອຢ່າງໄວໄປທົ່ວໂລກ
ສິ່ງສຳຄັນທີ່ພວກເຮົາ
ຈຳເປັນຕ້ອງມີຄວາມເຂົ້າໃຈຫຼາຍຂື້ນຄື: ເຊື້ອໄວຣັສທີ່ເຂົ້າໄປທຳລາຍປອດຂອງຄົນທີ່ຕິດເຊື້ອໄດ້ແນວໃດ?
ແລະ ຊອກຫາວິທີການຮັກສາໃໝ່ ທີ່ໄດ້ຜົນ
ແລະ ຫຼາຍກວ່ານັ້ນຄື:
ງານວິໄຈຂອງພວກເຮົາໄດ້ສະແດງໃຫ້ເຫັນວ່າສານຕ້ານອະນຸມູນອິດສະຣະ
ອາດມີສ່ວນຊ່ວຍໃນການຮັກສາ
ໂລກໄຂ້ຫວັດໃຫຍ່ທີ່ໄດ້ຜົນດີຫຼາຍຂື້ນ" ແຊດິສ
ມາຕາລອນ (Sadis Matalon)
ສຈ.ດ້ານສຣີຣະວິທະຍາ
ມະຫາວິທະຍາໄລອະລາບາມາ ເຊິ່ງເປັນໜື່ງໃນທີມວິໄຈໄດ້ກ່າວ.
ນັກວິໄຈສຶກສາເຫັນວ່າ:
ເຊື້ອໄຂ້ຫວັດໃຫຍ່ເຂົ້າໄປທຳລາຍປອດຂອງຄົນທີ່ຕິດເຊື້ອຈາກໂປຣຕີນເອມ2
(M2 ໂປຣຕີນ) ຂອງມັນເອງ ໂດຍໃຊ້
ເປັນໂຕນຳທາງເຂົ້າສູ່ເຊລເຊື່ອບຸຂອງຜິວປອດຊັ້ນໃນ
ຫຼື ອິພິເທີລຽນເຊລ (epithelial
cells)
ເຊິ່ງໂປຣຕີນເອມ2 ຈະໄດ້ລົບກວນການ
ທຳງານຂອງເຊລ ເຊື່ອບຸຂອງຜິວປອດຊັ້ນໃນ ໃນການກຳຈັດຂອງເຫຼວທີ່ຢູ່ຂ້າງໃນປອດ
ທີ່ຈະເຮັດໃຫ້ເກີດອາການປອດອັກເສບ ແລະ
ບັນຫາ ອື່ນໆທີ່ຈະເກີດຂື້ນໃນປອດໄດ້
ໃນການສຶກສາວິໄຈຈົນສາມາດຄົ້ນພົບຂໍ້ມູນດັ່ງກ່າວ
ນັກວິໄຈໄດ້ທຳການທົດລອງ 3 ຂັ້ນຕອນ:
ຂັ້ນທຳອິດສີດໂປຣຕີນເຂົ້າໃນປອດທີ່ຖືກ
ທຳລາຍ ເຂົ້າໄປໃນໄຂ່ກົບ ເພື່ອກວດສອບການທຳງານຂອງໂປຣຕີນດັ່ງກ່າວ,
ຂັ້ນທີ 2 ນັກວິໄຈສີດໂປຣຕີນເອມ2 ແລະ ໂປຣຕີນຈາກປອດ
ເຂົ້າໄປໃນໄຂ່ກົບພ້ອມກັນ ແລະ
ພົບວ່າການທຳງານຂອງໂປຣຕີນປອດລຸດລົງຢ່າງເຫັນໄດ້ຊັດ
ຈາກນັ້ນນັກວິໄຈໃຊ້ເຕັກນິກທາງຊີວະວິທະຍາໂລເມກຸນທົດລອງແຍກເອົາສ່ວນຂອງໂປຣຕີນເອມ2
ທີ່ເຊື່ອວ່າເປັນສ່ວນທີ່ທຳລາຍໂປຣຕີນປອດ
ອອກມາ ແລ້ວທົດລອງສີດເຂົ້າໄປໃນໄຂ່ກົບຄືເກົ່າ
ກໍ່ພົບວ່າໂປຣຕີນປອດຍັງຄົງທຳງານໄດ້ຄືເກົ່າ
ແລະ ບໍ່ຖືກທຳລາຍ
ຂັ້ນສຸດທ້າຍ:
ນັກວິໄຈທົດລອງສີດໂປຣຕີເອມ2 ທີ່ສົມບູນ
ພ້ອມກັບໂປຣຕີນປອດເຂົ້າໄປໃນໄຂ່ກົບນຳກັນ
ໂດຍສີດຢາທີ່ຊ່ວຍກຳຈັດ
ອະນຸມູນອິດສະຣະເຂົ້າໄປນຳ
ພົບວ່າສາມາດຊ່ວຍປ້ອງກັນບໍ່ໃຫ້ໂປຣຕີນເອມ2
ທຳລາຍໂປຣຕີນປອດໄດ້ ແລະ ເມື່ອເອົາໄປທົດລອງອີກ
ໂດຍໃຊ້ເຊລປອດຂອງຄົນກໍ່ໄດ້ຜົນຄືກັນ
"ເຖິງວ່າວັກຊີນຈະຍັງເປັນວິທີທຳອິດໃນການຕໍ່ສູ້ກັບໂລກໄຂ້ຫວັດໃຫຍ່ໃນໄລຍະຍາວທີ່ຈະມາເຖິງ
ແຕ່ຜົນງານວິໄຈນີ້ໄດ້ເປີດທາງສູ່ການຮັກສາ
ແບບໃໝ່ຢ່າງໄດ້ຜົນ
ດ້ວຍການບາດກ້າວທີ່ບໍ່ຢຸດຢັ້ງເຊື້ອໄວຣັສ
ຫຼັງຈາກທີ່ເຮົາມີອາການປ່ວຍແລ້ວ ແລະ
ຕ້ອງຂອບໃຈເຖິງຜົນງານວິໄຈ
ທີ່ເປັນອີກເຫດຜົນໜື່ງທີ່ເຮັດໃຫ້ເຮົາດື່ມໄວນ໌ເພື່ອສຸຂະພາບ"
ເຈຣັລດ໌ ເວສແມນ (Gerald
Weissmann)
ຫົວໜ້າບັນນາທິການວາລະສານ FASEB
Journal
ກ່າວ
ດັ່ງນັ້ນ, ສານຕ້ານອະນຸມູນອິດສະຣະ ຄື:
ສານທີ່ມີຄຸນສົມບັດຊ່ວຍປ້ອງກັນ ແລະ
ຢັບຢັ້ງການເກີດປະຕິກິຣິຍາອອກຊິເດຊັນຂອງ
ອະນຸມູນອິດສະຣະ ເພາະເມື່ອຮ່າງກາຍໃຊ້ອອກຊິເຈນໃນກະບວນການເຜົາຜານອາຫານ
ຈະມີອະນຸມູນອິດສະຣະເກີດຂື້ນນຳ
ນອກຈາກນັ້ນ
ຍັງມີປັດໄຈອື່ນໆທີ່ເຮັດໃຫ້ເກີດອະນຸມູນອິດສະຣະໃນຮ່າງກາຍໄດ້
ເຊັ່ນ: ຄວັນຢາສູບ ແລະ ມົນລະພິດໃນອາກາດ
ອະນຸມູນອິດສະຣະ
ເຫຼົ່ານີ້ສາມາດເຮັດປະຕິກິຣິຍາກັບໂປຣຕີນ
ໄຂມັນ ແລະ ດີເອນເອ ໃນຮ່າງກາຍ ເຮັດໃຫ້ໂມເລກູນດັ່ງກ່າວເສຍຫາຍ
ແລະ ເກີດໂລກຕ່າງໆ ໄດ້
ການທີ່ຮ່າງກາຍຂອງຄົນເຮົາໄດ້ຮັບສານຕ້ານອະນຸມູນອິດສະຣະເປັນປະຈຳ
ຈະຊ່ວຍປ້ອງກັນຄວາມເສຍຫາຍໃນຮ່າງກາຍທີ່ເກີດຂື້ນ
ຈາກ ອະນຸມູນອິດສະຣະໄດ້ ເຊິ່ງສານຕ້ານອະນຸມູນອິດສະຣະມີຫຼາຍຊະນິດ
ເຊັ່ນ: ວິຕາມິນເອ, ວິຕາມິນຊີ,
ວິຕາມິນອີ, ເບຕາແຄໂຣທີນ, ຊີລີນຽມ ແລະ
ສານປະກອບຟີນອລລິກ ເປັນຕົ້ນ. ເຊິ່ງສາມາດພົບເຫັນໄດ້ທົ່ວໄປໃນອາຫານ,
ຜັກ, ໝາກໄມ້, ລວມທັງຊາສະມູນໄພຕ່າງໆ
ເຊື້ອໄຂ້ຫວັດໃຫຍ່ຊະນິດເອ
ຖ່າຍດ້ວຍກ້ອງຈຸລະທັດອິເລັກຕອນ (ໄຊນ໌ເດລີ/CDC/F.A.
Murphy)
*
ຄັດຈາກ: manager.co.th, ວັນທີ
4-11-2009 |
