ເປັນເລື່ອງຈິງ! ປະຕິກິລິຍາສານເຄມີໃນຮ່າງກາຍທັງໝົດ ນັບທັງການເຜົາຜານພະລັງງານໃນຮ່າງກາຍ ຂື້ນຢູ່ກັບນ້ຳ, ຖ້າຂາດນ້ຳ ຮ່າງກາຍຈະເຜົາຜານ ແຄລໍຣີ່ ໄດ້ໜ້ອຍລົງ, ການສຶກສາພົບວ່າ ຈາກການທົດ ລອງກັບຜູ້ໃຫຍ່ 10 ຄົນທີ່ດື່ມນ້ຳຫຼາກຫຼາຍຊະນິດໃນ 1 ມື້ ພົບວ່າ ຄົນທີ່ດື່ມນ້ຳ 8-10 ຈາກຕໍ່ມື້ ມີອັດຕາ ການເຜົາຜານພະລັງງານສູງກວ່າຄົນທີ່ດື່ມພຽງ 4 ຈອກ.

ເຄັດລັບ: ຖ້ານ້ຳປັດສະວະສີເຂັ້ມ ສະແດງວ່າ ດື່ມນ້ຳໜ້ອຍ, ຈົ່ງພະຍາຍາມດື່ມນ້ຳໜື່ງຈອກກ່ອນອາຫານ ທຸກໆຄາບ, ລວມທັງອາຫານຫວ່າງ ເພື່ອໃຫ້ມີນ້ຳຢູ່ໃນຮ່າງກາຍຕະຫຼອດເວລາ.

2. ແມ່ນແທ້ບໍ່ ວ່າການຄວບຄຸມອາຫານ ເຮັດໃຫ້ອັດຕາການເຜົາຜານພະລັງງານໃນຕອນພັກຜ່ອນຕ່ຳລົງ ແລະ ພາໃຫ້ລົດນ້ຳໜັກຍາກ?

ເປັນຄວາມຈິງ! ທຸກກິໂລກຼາມທີ່ທ່ານລົດນ້ຳໜັກ ຈະເຮັດໃຫ້ອັດຕາການເຜົາຜານພະລັງງານຕອນພັກຜ່ອນ ລົດລົງວັນລະ 2-10 ແຄລໍຣີ່ ໝາຍຄວາມວ່າ ຖ້າທ່ານລົດນ້ຳໜັກໄດ້ 4,5 ກິໂລ ທ່ານຫຼຸດຜ່ອນການກິນ ແຄລໍຣີ່ ລົງໄປອີກ 20-100 ແຄລໍຣີ່ (ບໍ່ນັບການອອກກຳລັງກາຍ), ຖ້າບໍ່ດັ່ງນັ້ນ ຄົງບໍ່ມີທາງທີ່ຈະຮັກສາຫຸ່ນໃຫ້ພຽວໄດ້.

ວິທີລົດໄຂມັນ ແຕ່ຍັງຊ່ວຍຮັກສາກ້າມເນື້ອໃຫ້ຄົງຢູ່ໄດ້ ຄື ການຫຼຸດຜ່ອນການບໍລິໂພກ ແຄລໍຣີ່ ແລະ ເພີ່ມ ການອອກກຳລັງກາຍຂື້ນ ເຊັ່ນ: ການອອກກຳລັງກາຍແບບແອໂຣບິກ ແລະ ການອອກກຳລັງກາຍແບໃຊ້ ກຳລັງແຮງຫຼາຍ. ກົງກັນຂ້າມ ຖ້າຫາກຜູ້ໃດຢາກຫຸ່ນດີ ດ້ວຍການຫຼຸດການກິນ ແຄລໍຣີ່ ໜ້ອຍກວ່າວັນລະ 1,000 ແຄລໍຣີ່ ອາດຈະເຮັດໃຫ້ສູນເສຍກ້າມຊີ້ນໄດ້.

ເຄັດລັບ: ລົດນ້ຳໜັກດ້ວຍການລົດ ແຄລໍຣີ່ ວັນລະ 250 ແຄລໍຣີ່ ແລະ ເຜົາຜານ 250 ແຄລໍຣີ່ດ້ວຍການ ອອກກຳລັງກາຍຈະຊ່ວຍໃຫ້ທ່ານ ຮັກສາ ຫຼື ເພີ່ມກ້າມເນື້ອໄດ້.

3. ຈິງ ຫຼືບໍ່ ວ່າຮ່າງກາຍຈະເຜົາຜານພະລັງງານຫຼາຍຂື້ນ ເມື່ອມັນເຮັດໜ້າທີ່ຍ່ອຍອາຫານ ແລະ ເມື່ອໄດ້ຮັບເຄື່ອງດື່ມເຢັນໆ?

ເປັນເລື່ອງຈິງ! ແຕ່ກ່ອນຈະໄປກິນກະແລ້ມ ກໍຂໍບອກວ່າ ຕ້ອງເບິ່ງປະລິມານ ແຄລໍຣີ່ ຢູ່ໃນນັ້ນສາກ່ອນ, ການສຶກສາພົບວ່າ ການດື່ມນ້ຳເຢັນໆ ຢ່າງໜ້ອຍ 6 ຈອກຕໍ່ວັນ ຈະຊ່ວຍເຜົາຜານ ແຄລໍຣີ່ ໄດ້ 10 ແຄລໍຣີ່ ຊຶ່ງເທົ່າກັບເຄິ່ງກິໂລກຼາມຕໍ່ປີ ໂດຍບໍ່ຕ້ອງເຮັດຫຍັງເລີຍ.

ເຄັດລັບ: ເຖິງແມ່ນວ່າ ການດື່ມນ້ຳເຢັນ ຈະມີຜົນດີຕໍ່ການກະຕຸ້ນການເຜົາຜານພະລັງງານພຽງໜ້ອຍດຽວ ແຕ່ກໍຍັງມີດີຢູ່ນີ້ນາ.

4. ການຍົກນ້ຳໜັກຊ່ວຍກະຕຸ້ນການເຜົາຜານພະລັງງານ ຫຼາຍກວ່າການອອກກຳລັງກາຍຫົວໃຈ ແທ້ບໍ່?

ເປັນຄວາມຈິງ! ເມື່ອທ່ານອອກກຳລັງກາຍດ້ວຍການຍົກນ້ຳໜັກ ຈະຊ່ວຍເພີ່ມກ້າມເນື້ອ 1,3 ກິໂລກຼາມ ແລະ ເພີ່ມການເຜົາຜານ ແຄລໍຣີ່ ຫຼາຍຂື້ນ 6-8% ຊຶ່ງເທົ່າກັບການເຜົາຜານ ແຄລໍຣີ່ ເພີ່ມຂື້ນອີກ 100 ແຄລໍຣີ່ ຕໍ່ມື້. ແຕ່ການອອກກຳລັງແບບ ແອໂຣບິກ ເປັນພຽງການ ຮັກສາກ້າມເນື້ອ ແຕ່ບໍ່ໄດ້ເພີ່ມກ້າມເນື້ອ ວິທີເພີ່ມກ້າມເນື້ອ ແມ່ນການອອກກຳລັງກາຍແບບໃຊ້ແຮງຕ້ານໜັກໆ.

ເຄັດລັບ: ເນັ້ນການອອກກຳລັງກາຍທີ່ເຮັດໃຫ້ກ້າມເນື້ອໃຫຍ່ສຸດ ຊຶ່ງຈະຊ່ວຍສ້າງກ້າມເນື້ອໄດ້

5. ການກິນໝາກກ້ຽງນ້ອຍ ກ່ອນອາຫານທຸກຄາບ ຊ່ວຍເລັ່ງການເຜົາຜານພະລັງງານ ແທ້ບໍ?

ບໍ່ແມ່ນເລື່ອງຈິງ! ໝາກກ້ຽງນ້ອຍ ບໍ່ໄດ້ສ້າງຄວາມມະຫັດສະຈັນອັນໃດກັບການເຜົາຜານພະລັງງານ, ແຕ່ ຊ່ວຍລົດນ້ຳໜັກໄດ້,​ ການກິນໝາກກ້ຽງນ້ອຍ ເຄິ່ງໜ່ວຍກ່ອນອາຫານ ຊ່ວຍລົດນ້ຳໜັກໄດ້ 2 ກິໂລ ໃນ 12 ອາທິດ ເພາະກາກໃຍ ແລະ ນ້ຳຂອງໝາກກ້ຽງນ້ອຍ ເຮັດໃຫ້ຮູ້ສຶກອິມ ແລະ ຊ່ວຍໃຫ້ກິນໜ້ອຍລົງ.

ເຄັດລັບ: ຢ່າລືມ ຖ້າຢາກຫຸ່ນດີ ຕ້ອງກິນໝາກກ້ຽງນ້ອຍເຄິ່ງໜ່ວຍກ່ອນອາຫານຄາບຫຼັກທຸກຄາບ

6. ອາຫານເຜັດໆຮ້ອນໆ ຈະຊ່ວຍເລັ່ງການເຜົາຜານພະລັງງານ ແທ້ບໍ່?

ເປັນເລື່ອງຈິງ! ພິດສົງຂອງຄວາມຮ້ອນວູບວາບ ສາມາດຊ່ວຍເລັ່ງການເຜົາຜານພະລັງງານ ແລະ ຄວາມ ຫິວໂຫຍໄດ້, ການສຶກສາພົບວ່າ ການກິນໝາກເຜັດບົດ 1 ບ່ວງແກງ ພາໃຫ້ມີການກະຕຸ້ນການເຜົາຜານ ພະລັງງານຊົ່ວຄາວໄດ້ເຖິງ 23%.

ເຄັດລັບ: ຢອດໝາກເຜັດແດງບົດໃສ່ຂົ້ວໝ່ເຫຼືອງ,​ ໝາກເຜັດສົດໃສ່ສະຫຼັດຈະໄດ້ຣົດຊາດແຊບດີ.

7. ຈິ່ງແທ້ບໍ່ທີ່ວ່າ ຜັກເຊນາລີ່ "ເປັນອາຫານໃຫ້ແຄລໍຣີ່ໃນທາງລົບ" ເພາະມີ ແຄລໍຣີ່ ຕ່ຳ?

ບໍ່ແມ່ນເລື່ອງຈິງ! ເຖິງວ່າໃນການກິນອາຫານ ຈະມີການຄວາມຕ້ອງການ ແຄລໍຣີ່ ເພື່ອໄປຍ່ອຍອາຫານ ແລະ ເຄື່ອງດື່ມກໍຕາມ ແຕ່ມັນກໍຂື້ນຢູ່ກັບ ປະເພດຂອງອາຫານ ວ່າອາຫານປະເພດໃດ ຕ້ອງການແຄລໍຣີ່ ຫຼາຍເທົ່າໃດ ເຊັ່ນ: ໂປຼຕີນ ຕ້ອງອາໃສ ແຄລໍຣີ່ ໃນປະລິມານຫຼາຍ ໃນການຍ່ອຍ, ຜັກເຊນາລີ່ ຂະໜາດ ກາງ ມີປະລິມານ ແຄລໍຣີ່ 6 ແຄລໍຣີ່.

ເຄັດລັບ: ໃສ່ເຊນາລີ່ສະຫຼັດ,​ ຜັດຜັກ ຫຼື ແກງ ເພາະເປັນອາຫານມີປະໂຫຍດ,​ ມີສ່ວນປະສົມຂອງທາດ ໄລດ໌ ທີ່ຊ່ວຍລົດຄວາມດັນເລືອດ.

8. ຊາຊ່ວຍເລັງການເຜົາຜານແຄລໍຣີ່ໄດ້ແທ້ບໍ?

ເປັນຄວາມຈິງ! ທາດຄາທິຊິນໃນຊາຂຽວ ແລະ ຊາອູລົງ ຈະຊ່ວຍກະຕຸ້ນການເຜົາຜານໄຂມັນ, ການສຶກສາ ກັບຜູ້ຍິງຍີ່ປຸ່ນ ໂດຍປຽບທຽບ ການດື່ມຊາຂຽວ ແລະ ຊາອູລົງ ພົບວ່າ ຊາອູລົງ 1 ຈອກໃຫຍ່ ເພີ່ມການ ເຜົາຜານພະລັງງານໄດ້ເຖິງ 10%. ສ່ວນຊາຂຽວ 4% ໃນເວລາພຽງ 1:30 ຊົ່ວໂມງ ຊຶ່ງໝາຍຄວາມວ່າ ສາມາດຊ່ວຍເຜົາຜານ ແຄລໍຣີ່ໄດ້ 50 ແຄລໍຣີ່ ຕໍ່ວັນ.

ເຄັດລັບ: ດື່ມຊາຂຽວ ຫຼື ຊາອູລົງ ໃນຕອນເຊົ້າ ເພື່ອໃຫ້ທາດກາເຟອິນກະຕຸ້ນການເຜົາຜານພະລັງງານ ຂອງທ່ານ, ບີບໝາກນາວໃສ່ແທນນົມ ເພື່ອຊ່ວຍດູດຊຶມ ທາດຄາທີຊິນໄດ້ຫຼາຍຂື້ນ.

9. ຈິງແທ້ບໍ່ວ່າ ກ່ອນການເປັນປະຈຳເດືອນ ຈະມີອາການຫິວອາຫານຫຼາຍຂື້ນ

ເປັນຄວາມຈິງ! ອາການເຜົາຜານພະລັງງານຂອງຄົນເຮົາທີ່ຢຸດພັກຢູ່  ຈະຖືກປຸກຂື້ນມາໃນລະຫວ່າງການ ມີປະຈຳເດືອນ. ການເຜົາຜານພະລັງງານທີ່ເກີດຂື້ນແບບນີ້ ເອີ້ນວ່າ: "ຮໍໂມນພຸ່ງ" ຊຶ່ງມີຄວາມຕ້ອງການ ເຜົາຜານເພີ່ມຂື້ນທຽບເທົ່າກັບວັນລະ 300 ແຄລໍຣີ່ ແລະ ເປັນເຫດໃຫ້ຮ່າງກາຍເກີດຄວາມຢາກອາຫານ ໃນໄລຍະນີ້.

ເຄັດລັບ: ຈົດບັນທຶກສິ່ງທີ່ທ່ານກິນ ແຕ່ລະອາທິດ ແລະ ໄລຍະການມີປະຈຳເດືອນ, ພະຍາຍາມຮັກສາ ຮູບແບບການກິນຕະຫຼອດທັງເດືອນ ເພື່ອໃຫ້ໄດ້ປະໂຫຍດຈາກການເຜົາຜານ ແຄລໍຣີ່ ທີ່ເກີດຈາກ ຮໍໂມນພຸ່ງ. ຖ້າຢາກອາຫານຫຼາຍຂື້ນ ໃຫ້ລະວັງປະລິມານທີ່ກິນເຂົ້າໄປ.

10. ຈິງແທ້ບໍ່ ຖ້າມີເວລາຈຳກັດ ຄວນອອອກຳລັງກາຍແບບໜັກໆ ເພື່ອໃຫ້ພະລັງງານຖືກເຜົາຜານຕາມພາຍຫຼັງ?

ເປັນຄວາມຈິງ! ຄົນທີ່ເຄີຍອອກກຳລັງກາຍແບບໜັກໆ ພົບວ່າ ສາມາດຮັກສາອັດຕາການເຜົາຜານພະລັງ ງານໄວ້ໄດ້ດົນ ເມື່ອທຽບກັບພວກທີ່ອອກກຳລັງກາຍພໍປະມານ. ດັ່ງນັ້ນ, ຖ້າທ່ານອອກກຳລັງກາຍຢ່າງໜັກ ແບບຍ່າງໄວໆ ແທນການຍ່າງເສີຍໆ ກໍອາດເຜົາຜານແຄລໍຣີ່ເພີ່ມໄດ້ 40 ແຄລໍຣີ່ ພາຍໃນເວລາ 2-3 ຊົ່ວໂມງຂ້າງໜ້າ

ເຄັດລັບ: ເພີ່ມຄວາມໄວໃນການອອກກຳລັງກາຍ ຂື້ນອີກ, ເພີ່ມ 3 ນາທີ, ອາທິດລະ 3 ວັນ ໂດຍຢຸດພັກ 2 ນາທີ.

11. ການກິນທາດໂປຼຕີນຫຼາຍຂື້ນ ຈະເລັ່ງການເຜົາຜານພະລັງງານ ແທ້ບໍ?

ເປັນຄວາມຈິງ! ທາດໂປຼຕີນມີຂໍ້ດີໃນການເຜົາພະລັງງານ ເມື່ອທຽບໃສ່ໄຂມັນ ເພາະຮ່າງກາຍຕ້ອງໃຊ້ພະລັງ ງານຫຼາຍຂື້ນ ໃນຂະບວນການຍ່ອຍ. ຈາກການສຶກສາຂອງແພດ ພົບວ່າ: ທ່ານໃຊ້ແຄລໍຣີ່ເປັນ 2 ເທົ່າ ເພື່ອຍ່ອຍໂປຼຕີນ, ໃນອາຫານທົ່ວໄປ ແຄລໍຣີ່ 14% ແມ່ນມາຈາກໂປຼຕີນ. ໃຫ້ເພີ່ມການກິນທາດໂປຼຕີນເປັນ 2 ເທົ່າ ແລ້ວທ່ານຈະເຜົາຜານ ແຄລໍຣີ່ ໄດ້ວັນລະ 150-200 ແຄລໍຣີ່.

ເຄັດລັບ: ກິນທາດໂປຼຕີນ ມື້ລະ 10-20 ກຼາມ. ລອງກິນນົມສົ້ມໄຂມັນຕ່ຳ (13 ກຼາມ) ກັບອາຫານເຊົ້າ ແລະ ກິນປາແຊວມ່ອນ ເປັນອາຫານຄ່ຳ (17 ກຼາມ).