|
ລັດຖະບານແຫ່ງ ສປປ ລາວ ໄດ້ຕົກລົງອະນຸຍາດໃຫ້ບໍລິສັດ
ຟູໄຟ ມາຍນິງ ຈຳກັດ ສຳປະ ທານຖ່ານຫີນລິກໄນ
ຢູ່ເມືອງຫົງສາ ແລະ ອະນຸຍາດໃຫ້ ບໍລິ
ສັດ ຫົງສາ ພາວເວີ້ ຈຳກັດ ດຳເນີນການສຳປະ
ທານ ແລະ ກໍ່ສ້າງໂຄງການ ໄຟຟ້າພະລັງງານຄວາມຮ້ອນ
ຢູ່ເມືອງຫົງສາ ແຂວງໄຊຍະບູລີ
ທີ່ມີກຳລັງຕິດຕັ້ງ 1.878 ເມກາວັດ.
ສັນຍາການສຳປະທານສອງໂຄງການດັ່ງກ່າວ
ໄດ້ຖືກລົງນາມໃນວັນທີ 30 ພະຈິກ 2009
ຢູ່ ນະຄອນ ຫລວງ ວຽງຈັນ ລະຫວ່າງ ລັດຖະບານແຫ່ງ
ສປປ ລາວ ກັບ ບໍລິສັດຜູ້ລົງທຶນ ຊຶ່ງແມ່ນ
ທ່ານ ທອງມີ ພົມວິໄຊ, ລັດຖະມົນຕີຊ່ວຍວ່າ
ການກະຊວງແຜນການ ແລະ ການລົງທຶນ, ທ່ານ
ໄຊປະເສີດ ພົມສຸພາ, ຫົວໜ້າກົມ ສົ່ງເສີມ
ແລະ ພັດທະນາພະລັງງານ ກະຊວງພະລັງງານ
ແລະ ບໍ່ແຮ່ ຕາງໜ້າລັດຖະບານ ລາວ ແລະ
ຜູ້ຕາງໜ້າບໍລິສັດຜູ້ລົງທຶນ ຄືບໍລິສັດ
ຫົງສາ ພາວເວີ້ ຈຳກັດ ແລະ ຟູ ໄຟ ມາຍນິງ
ຈຳກັດ ເປັນຜູ້ຮ່ວມລົງນາມໃນສັນຍາ ໂດຍການເຂົ້າຮ່ວມເປັນສັກຂີພິຍານ
ຂອງບັນດາ ລັດຖະມົນຕີຊ່ວຍ ແລະ ພະນັກງານວິຊາການທີ່ກ່ຽວ
ຂ້ອງ ເຂົ້າຮ່ວມ.
ໂຄງການກໍ່ສ້າງໄຟຟ້າ ພະລັງງານຄວາມຮ້ອນຫົງສາ
ແມ່ນຜົນສືບເນື່ອງມາຈາກການເສີ່ມ ຂະ
ຫຍາຍສາຍພົວພັນຮ່ວມມື ລະຫວ່າງ ລາວ-ໄທ
ໃນການຕ້ອງສະ ໜອງຄວາມຮຽກຮ້ອງຕ້ອງການ
ດ້ານພະລັງ ງານແກ່ປະເທດໄທ ແລະ ເປັນ
ການຊຸກຍູ້ສົ່ງເສີມການພັດທະນາເສດຖະກິດ-ສັງຄົມ
ຂອງ ສປປ ລາວ ໂດຍລັດ ຖະບານ ສອງປະເທດ
ໄດ້ຮ່ວມການ ສັນບົດບັນທຶນຄວາມເຂົ້າໃຈ
(MOU) ໃນເດືອນທັນວາ 2007 ກ່ຽວກັບການສະໜອງໄຟຟ້າຈາກ
ສປປ ລາວ ໃຫ້ແກ່ ປະເທດ ໄທ ແຕ່ນີ້ຫາ
2015 ຈຳນວນ 7.000 ເມກາວັດ. ໂຄງການໄຟຟ້າພະລັງງານຄວາມຮ້ອນຫົງສາ
ຈະເປັນໂຄງການ ໜຶ່ງ ທີ່ຈະຂາຍກະແສໄຟຟ້າສົ່ງອອກ
ໃຫ້ແກ່ປະ ເທດ ໄທ ຊຶ່ງການໄຟຟ້າຝ່າຍຜະລິດແຫ່ງປະເທດໄທ
ຕົກລົງຊື້ກະແສ ໄຟຟ້າຈາກໂຄງການນີ້
ຈຳນວນ 1.473 ເມກາວັດ ແລະ ອີກຈຳນວນປະມານ
100 ເມກາວັດ ຈະຂາຍໃຫ້ລັດວິສາຫະກິດ
ໄຟຟ້າລາວ ເພື່ອການຊົມໃຊ້ພາຍໃນປະເທດ
ແລະ ອີກຈຳນວນໜຶ່ງຈະນຳໃຊ້ເຂົ້າໃນການຂຸດຄົ້ນຖ່ານຫີນລິກໄນ
ແລະ ການຜະລິດ ຂອງ ໂຮງໄຟຟ້າ.
ໂຄງການພະລັງງານໄຟຟ້າແຫ່ງນີ້ ປະກອບດ້ວຍຂາຮຸ້ນ
ບໍລິສັດ ບ້ານປູ ພາວເວີ ຈຳກັດ (BPP), ບໍລິ
ສັດຜະລິດໄຟຟ້າ ຣາຊະບູຣີ ມະຫາຊົນ ຈຳກັດ (RATCH)
ແລະ ລັດວິສາຫະກິດຖືຮຸ້ນລາວ ( ລຮລ).
BPP ແລະ RATCH ຖືຮຸ້ນຜູ້ລະ 40% ຂອງໂຄງການ
ແລະ ສ່ວນອີກ 20% ແມ່ນຮຸ້ນຂອງ ລຮລ. ແຕ່ລະຝ່າຍຈະປະ
ກອບສ່ວນເຂົ້າໃນການດຳເນີນ ໂຄງການ ໂດຍຈະນຳໃຊ້ປະສົບການອັນອຸດົມຮັ່ງມີຂອງຕົນ
ເຂົ້າໃນການດຳເນີນໂຄງການ ໂດຍການຮັບປະກັນ
ເຕັກໂນໂລຊີ ທີ່ ທັນສະໄໝ ແລະ ມີປະສິດທິຜົນສູງໃນການຜະລິດ.
ໂຄງການຈະຕິດຕັ້ງລະບົບ ແລະ ອຸປະກອບຄວບຄຸມສິ່ງແວດລ້ອມຢ່າງຄົບຊຸດ
ເພື່ອຮັບປະກັນເຮັດ ໃຫ້ໂຄງ ການ ປະ
ຕິບັດໃຫ້ສອດຄ່ອ ງກັບມາດຕະຖານດ້ານສິ່ງແວດລ້ອມທີ່ຮັດກຸມ.
ໂຮງໄຟຟ້າປະກອອບດ້ວຍເຄື່ອງຈັກປັ່ນໄຟຟ້າ
3 ໜ່ວຍ ແຕ່ລະໜ່ວຍມີກຳລັງການ ຜະລິດ
626 ເມກາວັດ ຊຶ່ງໄດ້ກຳນົດມື້ສົ່ງຂາຍກະແສໄຟຟ້າຢ່າງເປັນທາງການ
(COD) ທີ່ແຕກຕ່າງການຄື: ຈັກໜ່ວຍທີໜຶ່ງໃນເດືອນມີນາ
ປີ 2015, ຈັກໜ່ວຍ ທີສອງໃນເດືອນສິງຫາ
ປີ 2015 ແລະ ຈັກໜ່ວຍທີສາມ ໃນເດືອນ
ທັນວາປີ 2015.
*
ຄັດຈາກ: ຂປລ, ສະບັບວັນທີ
03-12-2009 |
