|
ສປປ ລາວ ແລະ ສະຫະພາບມຽນມາ ໄດ້ຕົກລົງເພີ່ມທະວີການຮ່ວມມື
ດ້ານການຄ້າ ໂດຍສະເພາະການສົ່ງເສີມການຄ້າ
ຊາຍແດນ ຮ່ວມກັນ ດ້ວຍ ການ ຈັດໃຫ້ມີຕະຫລາດນັດ
1 ເທື່ອຕໍ່ອາທິດ, ທັງສືບ ຕໍ່ການຮ່ວມມືໃນຂະແໜງການທ່ອງທ່ຽວ,
ກິລາ, ວັດທະນະທຳ-ສັງຄົມ ແລະ ອື່ນໆ. ພ້ອມດຽວ
ກັນ ນັ້ນກໍ ໄດ້ ບັນ ລຸຂໍ້ຕົກລົງຮ່ວມມືອີກສອງສະບັບຄື:
ສັນຍາການຍົກເວັ້ນວີຊາສຳລັບພົນລະເມືອງ
ທີ່ຖືໜັງສື ຜ່ານ ແດນທຳມະດາ ແລະ
ສັນຍາວ່າດ້ວຍການ ຫລີກເວັ້ນການ ເກັບອາກອນຊ້ຳຊ້ອນ
ລະຫວ່າງ ສອງປະ ເທດອີກ ດ້ວຍ.
ກອງປະຊຸມຄະນະກຳມາທິການຮ່ວມ ວ່າດ້ວຍການຮ່ວມມືສອງຝ່າຍ
ລາວ-ມຽນມາ ຄັ້ງທີ 9 ໂດຍ ການເປັນປະທານຮ່ວມ
ລະຫວ່າງທ່ານ ດຣ. ທອງລຸນ ສີສຸລິດ, ຮອງນາຍົກລັດຖະມົນຕີ,
ລັດຖະມົນຕີວ່າການ ກະຊວງການຕ່າງປະເທດລາວ
ແລະ ທ່ານ ອູ ນຽນ ວິນ, ລັດຖະມົນຕີວ່າການກະຊວງການຕ່າງປະເທດ
ມຽນ ມາ ຊຶ່ງໄດ້ຈັດຂຶ້ນລະຫວ່າງວັນທີ
17-20 ພະຈິກ 2009 ທີ່ເມືອງຕອງຈີ
ນະຄອນເນປີດໍ ສະຫະພາບ ມຽນມາ.
ນອກຈາກການຮ່ວມມືຂ້າງເທິງແລ້ວ
ສອງຝ່າຍຍັງເຫັນ ດີສືບຕໍ່ຂະຫຍາຍການຮ່ວມມື
ບາງບັນຫາ ທີ່ສຳຄັນ ເປັນຕົ້ນແມ່ນ ການຮ່ວມມື
ແລະ ຊ່ວຍເຫລືອ ເຊິ່ງກັນ ແລະ ກັນ ລະຫວ່າງ
ກະຊວງການ ຕ່າງປະ ເທດ, ຍົກ ລະ
ດັບການຮ່ວມຂອງຄະນະກຳມາທິການ
ຮັກສາຄວາມສະຫງົບຮຽບຮ້ອຍຕາມຊາຍແດນທົ່ວໄປ
ລາວ-ມຽນ ມາ ຈາກຂັ້ນເມືອງເປັນຂັ້ນແຂວງ ແລະ
ຂັ້ນ ສູນ ກາງ ແນໃສ່ເຮັດໃຫ້ຊາຍແດນຂອງສອງປະເທດ
ມີຄວາມສະ ຫງົບ,
ສ້າງຄວາມສະດວກໃຫ້ປະຊາຊົນໄດ້ໄປມາຫາສູ່ ແລະ
ຄ້າຂາຍ ຮ່ວມກັນ. ສຳລັບ ການ ຮ່ວມ ມືດ້ານຄົມ
ມະນາຄົມ ສອງຝ່າຍໄດ້ເຫັນດີຈະ ຮ່ວມກັນສ້າງ
ຂົວຂ້າມແມ່ນ້ຳຂອງລະຫວ່າງ ສປປ ລາວ ແລະ ມຽນມາ
ໂດຍຈະມີການຂົນຂວາຍ ຊອກຫາ ແຫລ່ງ ທຶນ
ຈາກປະເທດທີສາມ ເພື່ອມາດຳເນີນການ ກໍ່ ສ້າງ.
ສ່ວນການ ຮ່ວມມື ທີ່ສູນພັດທະນາກະສິກຳ ແລະ
ປ່າໄມ້ ຢູ່ເມືອງຕົ້ນເຜິ້ງ ແຂວງບໍ່ແກ້ວ
ກໍໄດ້ມີບາດ ກ້າວ ຂະຫຍາຍຕົວ
ໃນໂອກາດກອງປະຊຸມຄັ້ງນີ້ ທ່ານ ດຣ. ທອງລຸນ
ສີສຸລິດ ແລະ ຄະນະ ໄດ້ເຂົ້າຢ້ຽມຄຳນັບ
ທ່ານ ພົນເອກອາວຸໂສ ມອງ ເອ,
ຮອງປະທານສະພາສັນຕິພາບ ແລະ
ການພັດທະນາແຫ່ງລັດ, ລວມທັງທ່ານ ພົນ ເອກ ເທນ
ເຊນ, ນາຍົກລັດຖະມົນຕີ ແຫ່ງ ສະຫະພາບ ມຽນມາ
ຊຶ່ງຜູ້ນຳທັງສອງຝ່າຍ ໄດ້ຕີລາຄາສູງ ຕໍ່ສາຍ
ພົວພັນ ມິດຕະພາບ ແລະ
ການຮ່ວມມືທີ່ເປັນມູນເຊື້ອອັນດີງາມ ແລະ
ນັບມື້ມີຄວາມສະໜິດແໜ້ນ ເຕີບໃຫຍ່ຂະ
ຫຍາຍຕົວດີຂຶ້ນເລື້ອຍໆ, ນຳເອົາຜົນ ປະໂຫຍດ
ຕົວ ຈິງມາ ສູ່ປະຊາຊົນສອງຊາດ ລາວ-ມຽນມາ
*
ຂ່າວຈາກ:
ນັກຂ່າວ ປກສ ແຂວງ
ຫຼວງພະບາງ ຮອ.
ສົມບູນ ແສງມົງ ລາຍງານ ວັນທີ
25-11-2009 |
