|
ເພື່ອພ້ອມກັນເປັນເຈົ້າພາບທີ່ດີ ໃນງານມະຫະກຳກິລາຊີເກມຄັ້ງທີ
25 ດຳເນີນໄປດ້ວຍຄວາມສະຫງົບ ແລະ ເປັນລະບຽບ
ຮຽບຮ້ອຍດີ ນະຄອນຫລວງວຽງຈັນ ຮ່ວມກັບກະຊວງປ້ອງກັນຄວາມສະ
ຫງົບ ແລະ ກະຊວງປ້ອງກັນປະເທດ ໄດ້ຈັດ
ກອງປະຊຸມພ້ອມກັນເປັນເຈົ້າພາບທີ່ດີ
ເພື່ອຮັບປະກັນໃຫ້ແກ່ງານມະຫະກຳຊີເກມຄັ້ງທີ
25 ດຳເນີນໄປດ້ວຍຄວາມສະຫງົບ ແລະ ເປັນລະບຽບຮຽບຮ້ອຍດີ
ໃນວັນທີ 8 ພະຈິກ 2009 ຢູ່ທີ່ຫໍວັດທະນະທຳແຫ່ງຊາດ
ໂດຍການເປັນປະທານຂອງທ່ານ ສົມບັດ ເຢຍລີເຮີ,
ເລຂາທິການສູນກາງພັກ, ເລຂາຄະນະພັກ,
ເຈົ້າຄອງນະຄອນຫລວງວຽງຈັນ, ຫົວໜ້າຄະນະບັນດາ
ການປ້ອງກັນງານມະຫະກຳຊີເກມຄັ້ງທີ 25
ໃນນະຄອນຫລວງວຽງຈັນ ແລະ ທົ່ວປະເທດ,
ທ່ານ ພົນຈັດຕະວາ ຕຸລາ ອິນທາທິລາດ, ລັດຖະ
ມົນຕີຊ່ວຍວ່າການກະຊວງປ້ອງກັນຄວາມສະຫງົບ,
ທ່ານ ພົນຈັດຕະວາ ສຸວອນ ເລື່ອງບຸນມີ,
ກົມໃຫຍ່ເສນາທິການກອງທັບ ກະຊວງປ້ອງກັນປະເທດ,
ມີບັນດາ ຮອງ ເຈົ້າຄອງ, ເຈົ້າເມືອງ,
ຫົວໜ້າພະແນກ, ຮອງພະແນກ ແລະ ບັນດານາຍ
ບ້ານຈາກ ບ້ານຕ່າງໆ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.
ພາຍຫລັງທີ່ໄດ້ຮັບຟັງການລາຍງານ ຈາກຫົວໜ້າຜູ້ຮັບຜິດຊອບວຽກງານການປ້ອງກັນ
ແລະ ແຜນ ການປ້ອງກັນໃນຕໍ່ໜ້າ ຂອງງານມະຫະກຳຊີເກມຄັ້ງທີ
25 ແລ້ວ ທ່ານ ສົມບັດ ເຢຍລີເຮີ ໄດ້ສະແດງຄວາມຍ້ອງຍໍຊົມເຊີຍ
ບັນດາຄະນະພັກ, ຄະນະບັນຊາ, ອຳນາດ ການປົກຄອງທ້ອງຖິ່ນ
ຂະແໜງການຂັ້ນຕ່າງໆ ນັບທັງສູນກາງ
ແລະ ນະຄອນ ຫລວງວຽງຈັນ ທີ່ໄດ້ສະແດງໃຫ້ເຫັນເຖິງຄວາມຕັດສິນໃຈ
ເພື່ອເຮັດໃຫ້ງານມະ ຫະກຳກິລາຊີເກມດຳເນີນໄປດ້ວຍຄວາມສະຫງົບ
ແລະ ເປັນລະບຽບ ຮຽບຮ້ອຍເປັນຢ່າງດີ,
ພ້ອມທັງ ໄດ້ຍົກໃຫ້ເຫັນຄວາມໝາຍຄວາມສຳຄັນ
ຂອງງານມະຫະກຳກິລາຊີເກມຄັ້ງທີ 25 ທີ່
ສປປ ລາວໄດ້ຮັບກຽດເປັນເຈົ້າພາບໃນຄັ້ງນີ້
ພາຍໃຕ້ຄຳຂວັນທີ່ວ່າ:
ຄວາມມີນ້ຳໃຈ ໄມຕີຈິດ ຊີວິດສົດຊື່ນ
ຊຶ່ງໝາຍເຖິງຄວາມມີນ້ຳ ໃຈສາມັກຕີເປັນປຶກ
ແຜ່ນບົ່ງບອກເຖິງສີສັນ, ປະຫວັດ ສາດ
ແລະ ຄວາມສີວິໄລ ທີ່ເປັນເອກະລັກຂອງຊາວລາວ
ກໍຄື ຊາວອາຊີຕາເວັນອອກສ່ຽງໃຕ້.
ການທີ່ ສປປ ລາວ ໄດ້ຮັບກຽດ ເປັນເຈົ້າພາບ
ຈັດງານມະຫະກຳກິລາຊີເກມ ຄັ້ງທີ 25
ປີ 2009 ນີ້ ບໍ່ພຽງແຕ່ເປັນຄັ້ງປະຫວັດສາດຂອງ
ຊາດລາວເຮົາ ທີ່ຈະໄດ້ຮັບຕ້ອນຄະນະຜູ້ແທນນັກກິ
ລາຈາກ 11 ຊາດສະມາຊິກເຂົ້າຮ່ວມແລ້ວ
ຍັງຈະເປັນໂອກາດທີ່ດີ ໃຫ້ແກ່ປະຊາຊົນລາວທັງຊາດ
ໂດຍສະເພາະຊາວນະຄອນຫລວງວຽງຈັນ
ໄດ້ສະແດງອອກ ເຖິງຮອຍຍິ້ມ-ໄມຕີຈິດ
ມິດຕະພາບ, ນ້ຳໃຈໂອບເອື້ອອາລີ ໃນການຮັບຕ້ອນແຂກບ້ານ,
ແຂກເມືອງ ພ້ອມກັນສະແດງເຈດຕະນາລົມຂອງຄວາມ
ເປັນມິດ ຕາມແນວທາງການ ຕ່າງປະເທດຂອງພັກເຮົາ
ໃຫ້ບັນດາແຂກໄດ້ສຳພັດເຖິງຜົນສຳເລັດຫລາຍໆດ້ານ
ໃນພາລະກິດປ່ຽນແປງໃໝ່ ພາຍໃຕ້ການນຳພາຂອງພັກ
ປະຊາຊົນ ປະຕິວັດລາວ ເພື່ອຮັບປະກັນຄວາມສະຫງົບ
ແລະ ຄວາມເປັນລະບຽບຮຽບຮ້ອຍດີ.
ຄະນະພັກ, ຄະນະບັນຊາແຕ່ລະຂັ້ນ ຕ້ອງເອົາໃຈ
ໃສ່ປຸກລະດົມໃຫ້ໄດ້ດຳລັງແຮງສັງລວມຂອງທົ່ວປວງຊົນ
ເຂົ້າຮ່ວມວຽກ ງານປ້ອງກັນຊາດ-ປ້ອງກັນຄວາມສະຫງົບ
ຢ່າງເປັນຂະບວນກ້ວາງ ຂວາງເລິກເຊິ່ງ,
ເສີມຂະຫຍາຍຄວາມຮັບຜິດຊອບ ຂອງປະຊາຊົນທຸກຊັ້ນຄົນໃນສັງຄົມ,
ຮັບປະກັນທາງດ້ານຄວາມ ສາມັກຄິເປັນປຶກແຜ່ນ,
ພົວພັນປະສານງານສົມທົບຢ່າງ ແໜ້ນແຟ້ນ
ກັບທຸກພາກສ່ວນທີ່ກ່ຽວຂ້ອງ,
ແນໃສ່ຍູ້ແຮງຂະບວນການ ແຂ່ງຂັນປະຕິບັດເຮັດສຳເລັດໜ້າທີ່
ເສີມຂະຫຍາຍ ທາດແທ້ມູນເຊື້ອຕໍ່ສູ້ພິລະອາດຫານຂອງຊາດ,
ເຊີດຊູບົດບາດເປັນກຳລັງຫລັກແຫລ່ງປະຈັນບານ
ເປັນເຄື່ອງມືອັນ ແຫລມ ຄົມຂອງພັກ,
ຕ້ອງຮັບປະກັນ ຄວາມສະຫງົບທາງດ້ານການເມືອງໃນຂອບເຂດ
9 ຕົວເມືອງຢ່າງເດັດຂາດ ບໍ່ໃຫ້ມີເຫດການ
ເກີດຂຶ້ນຢູ່ເມືອງໃດເມືອງໜຶ່ງ ໃນນະຄອນຫລວງວຽງຈັນ
ເປັນຕົ້ນ ພື້ນທີ່ຕົວເມືອງທີ່ມີການແຂ່ງຂັນ
ຕ້ອງເພີ່ມທະວີເຮັດ ທຸກສິ່ງທຸກຢ່າງ
ເພື່ອຄວາມສະ ຫງົບປອດໄພຮອບດ້ານໃຫ້ແກ່ຄະນະຜູ້ແທນ,
ຄະນະນັກກິລາ, ທາງດ້ານຊີວິດ, ຊັບສິນ,
ກຽດສັກສີ, ເປັນເຈົ້າການແກ້ໄຂທຸກ
ໜໍ່ແໜງປັດໃຈທີ່ບໍ່ຮັບ ປະກັນຄວາມສະຫງົບ,
ຄວາມບໍ່ເປັນລະບຽບຮຽບຮ້ອຍ ໃຫ້ແກ່ງານມະຫະກຳກິລາຊີເກມຄັ້ງນີ້.
*
ຄັດຈາກ: ຫນັງສືພິມ ຂປລ, ສະບັບວັນທີ
10-11-2009 |
