|
ໃນວັນທີ
15/8/2008
ນີ້,
ຢູ່ທີ່ມະຫາວິທະຍາໄລແຫ່ງຊາດໄດ້ຈັດພິທີເຜີຍແຜ່ເຊື່ອມຊຶມມະຕິ
6
ສະໄຫມທີ
VIII
ຂອງພັກ ພາຍໃຕ້ການເປັນປະທານຂອງທ່ານ ສຈ.ດຣ.
ສົມກົດ ມັງຫນໍ່ເມກ
ລັດຖະມົນຕີວ່າການກະຊວງສຶກສາທິການ,
ມີອະທິການບໍດີ,
ຄະນະບໍດີ,
ເລຂາພັກຮາກຖານ,
ມີຫົວຫນ້າຫ້ອງການ,
ຫົວຫນ້າພະແນກ,
ຫົວຫນ້າພາກວິຊາ ພ້ອມດ້ວຍພະນັກງານຄູອາຈານ
ອ້ອມຂ້າງທີ່ກ່ຽວຂ້ອງເຂົ້າຮ່ວມ.
ໃນພິທີທ່ານລັດຖະມົນຕີວ່າການກະຊວງສຶກສາທິການໄດ້ຂຶ້ນເຜີຍແຜ່ມະຕິດັ່ງກ່າວ
ເພື່ອຈຸດປະສົງທົບທວນຫວນຄືນ
ການປະຕິບັດວຽກງານແຜນພັດທະນາເສດຖະກິດ
ສັງຄົມຂອງຊາດ,
ໂດຍສະເພາະໃນໄລຍະ
8
ເດືອນ
ຜ່ານມາກໍ່ຄື
ການສະຫລຸບຜົນງານທີ່ປະຕິບັດມາໄດ້ໃນສົກປີ
2008 2009
ແລະ ການວາງທິດທາງແຜນການໃນຕໍ່ຫນ້າ,
ເວົ້າ
ສະເພາະໃນໄລຍະ
3 4
ເດືອນ ຜ່ານມານີ້,
ພວກເຮົາສາມາດສັງເກດຕີລາຄາວ່າບັນຫາທີ່ພວກເຮົາກຳລັງປະສົບພົບພໍ້
ໃນປະຈຸບັນນີ້
ສ່ວນໃຫຍ່ແມ່ນການປະເຊີນຫນ້າໃນດ້ານເສດຖະກິດ
ລາຄານ້ຳມັນແພງ,
ສະບຽງອາຫານມີລາຄາເພີ່ມຂຶ້ນ
ສູງ ແລະ
ສິ່ງສຳຄັນທີ່ສຸດໃນຂະນະນີ້ພວກເຮົາກຳລັງປະສົບກັບໄພພິບັດທາງທຳມະຊາດສະເພາະກໍ່ແມ່ນໄພນ້ຳຖ້ວມ,
ເຊິ່ງມັນຮຽກຮ້ອງໃຫ້ພວກເຮົາຈະຕ້ອງໄດ້ມີສະຕິລະວັງຕົວສູງ
ແລະ ຮ່ວມແຮງຮ່ວມໃຈກັນຊ່ວຍເຫລືອເຊິ່ງກັນ
ແລະ ກັນ ເພື່ອຕ້ານ ແລະ
ສະກັດກັ້ນຕໍ່ກັບໄພພິບັດດັ່ງກ່າວ.
ໃນການເຜີຍແຜ່ເຊື່ອມຊຶມໃນຄັ້ງນີ້ຍັງເປັນການເຮັດໃຫ້ພະນັກງານລັດຖະກອນທຸກຂັ້ນຮັບຮູ້
ແລະ ເຊື່ອມຊຶມມະຕິດັ່ງກ່າວ
ໃຫ້ມີຄວາມເຊື່ອຫມັ້ນຕໍ່ການນຳພາຂອງພັກ,
ປະຕິບັດຕາມແນວທາງແຜນພັດທະນາເສດຖະກິດ
ສັງຄົມຂອງລັດຮັບຮູ້
ເຂົ້າໃຈແຈ້ງຕໍ່ກົນອຸບາຍແບ່ງແຍກຂອງອິດທິກຳລັງປໍລະປັກ
ເພື່ອຫວັງມ້າງເພທຳລາຍລະບອບໃຫມ່ຂອງພວກເຮົາ.
ຍົກສູງຄວາມຮັບຮູ້ກ່ຽວກັບແນວທາງນະໂຍບາຍຂອງພັກເຮົາເພື່ອກຳໄດ້ບັນຫາເນື້ອໃນຈິດໃຈຂອງມະຕິ
ດັ່ງກ່າວ
ໃຫ້ນຳໄປ
ຜັນຂະຫຍາຍຈັດຕັ້ງປະຕິບັດໃຫ້ເກີດດອກອອກຜົນເປັນຈິງ.
*
ຄັດຈາກ: ຫນັງສືພິມວປະຊາຊົນ, ສະບັບວັນທີ
19-08-2008 |
