|
ພາຍຫລັງຖືກຄັດເລືອກມາຮັບໃຊ້ງານມະຫະກຳຊີເກມຄັ້ງທີ
25 ທີ່ ສປປ ລາວ ໄດ້ ຮັບກຽດເປັນເຈົ້າພາບ,
ບັນດານ້ອງ ນາງສາວຊີເກມທັງ 30 ຊີວິດ
ຕ່າງ ກໍໄດ້ຝຶກຊ້ອມການຍ່າງ, ຖືປ້າຍ,
ວິທີມອບ-ຮັບຫລຽນ ແລະ ສຶກສາຂໍ້ມູນກ່ຽວກັບ
ກິລາປະເພດຕ່າງໆ ກໍຄືສະຖານທີ່ທ່ອງທ່ຽວທີ່ສຳຄັນຫລາຍໆ
ແຫ່ງ ຂອງລາວ ເພື່ອກຽມພ້ອມໃຫ້ຂໍ້ມູນທີ່ຖືກຕ້ອງແກ່ແຂກ
ຕ່າງປະເທດ ທີ່ຈະມາ ເຂົ້າ ຮ່ວມໃນງານມະຫະກຳຊີເກມ
(ວຽງຈັນເກມ) ທີ່ຈະຈັດຂຶ້ນທ້າຍປີ
2009 ນີ້.
ສີ່ນ້ອງນາງສາວຊີເກມຕົວແທນຈາກທັງຫມົດ
30 ຄົນຄື ລັດດາວັນ, ອຳມາລາ, ທິບເກສອນ
ແລະ ນາງ ລັດຕະນະພອນ ໄດ້ລົມກັບນັກຂ່າວພວກເຮົາກ່ອນຈະເລີ່ມການຝຶກຊ້ອມ
ໃນ ວັນທີ 26 ຕຸ ລາຢູ່ສະໜາມເຈົ້າອະນຸວົງ
(ກິລາແຫ່ງຊາດເກົ່າ) ວ່າ: “ພວກເຮົາມາຝຶກ
ຊ້ອມ ທຸກໆມື້ ມີ:ຍ່າງຖືປ້າຍ, ມອບ-ຮັບຫລຽນ,
ແລ່ນ,ແອບກາຍະບໍລິຫານໃນຕອນເຊົ້າ ເພື່ອ
ເຮັດໃຫ້ສຸຂະພາບແຂງແຮງ ແລະ ມີ ຄວາມອົດທົນ.ຂໍ້ສະດວກກໍຄືຄອບຄົວ
ໃຫ້ກຳລັງໃຈ, ສຳນັກງານ ແລະ ໂຮງ ຮຽນທີ່ພວກນ້ອງສັງ
ກັດຢູ່ກໍເຫັນອົກເຫັນໃຈ, ສ່ວນອຸປະກອນຮັບໃຊ້ໃນການຝຶກຊ້ອມກໍດີ.
ແນວໃດກໍດີ, ກໍມີຂໍ້ຫຍຸ້ງຍາກຢູ່ເປັນ
ຕົ້ນ ສະພາບດິນຟ້າອາກາດ ບາງມື້ບໍ່ເອື້ອອຳນວຍ
ເພາະຝົນຕົກ ຄູຝຶກກໍໃຫ້ພັກຜ່ອນ,
ເວລາຂອງບາງຄົນກໍບໍ່ກົງກັນ ຈຶ່ງ ມາ
ຝຶກ ຊ້ອມບໍ່ທັນ ຫລື ບໍ່ໄດ້ມາບາງ
ມື້ກໍມີ...ສຳລັບ ຄວາມຮູ້ ສຶກຂອງພວກນ້ອງ
ສິ່ງດຽວ ທີ່ຄືກັນກໍຄື ເປັນກຽດ ແລະ
ພາກພູມໃຈທີ່ໄດ້ເປັນສ່ວນໜຶ່ງຮັບ
ໃຊ້ວຽກງານໃຫຍ່ ລະດັບ ປະເທດ, ໄດ້ອອກ
ປະຕິບັດໜ້າທີ່ສຳຄັນ ຫລາຍງານ ອອກຂ່າວທາງໜັງສືພິມ
ໂທລະພາບ ວາລະສານ ສ້າງຄວາມພາກພູມໃຈໃຫ້ຄອບຄົວ
ພ້ອມທັງຮູ້ຈັກສັງຄົມກວ້າງ ຮູ້ຈັກການ
ນຳໃນ ຂັ້ນຕ່າງໆ ເຊິ່ງ ມັນຈະກາຍເປັນປະສົບ
ການທີ່ດີທີ່ສຸດສຳລັບ ພວກນ້ອງ ໃນອະນາຄົດ.ນີ້ແຫລະເປັນຄ່າຕອບແທນທີ່ສູງແລ້ວສຳລັບພວກນ້ອງ”.
ອາຈານ ຈິດຕະກອນ ໜຶ່ງໃນຄູຝຶກບັນດາ ນາງສາວຊີເກມ
ໃຫ້ທັດສະນະວ່າ:“ແມ່ຍິງຍຸກໃຫມ່
ກ້າສະແດງອອກ ມີຄວາມຄິດເປັນຂອງໂຕເອງ
ແລະ ມີບາງເທື່ອ
ກໍບໍ່ເຂົ້າໃຈເຂົາເຈົ້າເຊັ່ນ:
ເຄື່ອງແຕ່ງກາຍທີ່ໄດ້ອອກແບບໄວ້ໃຫ້ແລ້ວ
ບາງຄົນນຸ່ງຄື ກໍແລ້ວໄປ ສ່ວນຈຳນວນທີ່ນຸ່ງບໍ່ງາມ
ກໍພາກັນທ້ວງ ຈົ່ມສຽງ ແຊວໆ ເຊິ່ງ ພວກເຮົາກໍໄດ້
ອະທິບາຍໃຫ້ເຂົາເຈົ້າເຂົ້າໃຈ.ເວລາບອກໃຫ້ເຮັດອັນນັ້ນອັນນີ້
ໃຊ້ເວລາດົນກວ່າເຂົາເຈົ້າ ຈະປະຕິບັດຕາມ
ບໍ່ຄືເດັກນ້ອຍອະນຸບານ ຫລື ປະຖົມ
ເອົາສີທາໃຫ້ເຂົາເຈົ້າເປັນ ສີແນວໃດ
ພວກເຂົາກໍຈະກາຍເປັນສີ ນັ້ນ..
ພໍແຕ່ຢູ່ນຳກັນ ພວກນາງມີແນວລົມທັນທີ
ນີ້ແມ່ນຄວາມຫຍຸ້ງຍາກແບບ ໜຶ່ງຂອງ
ຄູ ຝຶກ, ສ່ວນທັກສະດ້ານການຍ່າງ ຢືນ
ວາງທ່າທາງຂອງເຂົາເຈົ້າແມ່ນ ມີພື້ນຖານດີເພາະ
ເຂົາ ເຈົ້າຜ່ານການຝຶກອົບຮົມມາຈາກກະຊວງ
ຖະແຫລງຂ່າວ-ວັດ ທະ ນະ ທຳແລ້ວ ມີແຕ່
ມາ ປັບໜ້ອຍໜຶ່ງ, ເຖິງວ່າຈະມາຈາກສະຖາບັນຕ່າງກັນ
ແຕ່ເຂົາເຈົ້າກໍສາມັກຄີກັນດີ ພາຍ
ຫລັງ ມີຄວາມ ລຶ້ງເຄີຍກັນ ລະ ຫວ່າງຄູຝຶກ
ກັບ ພວກ ນາງແລ້ວກໍຝຶກງ່າຍຂຶ້ນກວ່າເກົ່າ..
ລະຫວ່າງລໍຖ້າມະຫະ ກຳຊີເກມຄັ້ງທີ 25
ພວກນາງຈຳນວນໜຶ່ງກໍໄດ້ ໄປຮັບໃຊ້ຫລາຍໆງານ
ເປັນຕົ້ນ: ການແຂ່ງ ຂັນເຕະ ບານ 4 ຊາດທົດສອບຊີເກມ,
ມອບ-ຮັບສະໜາມກິລ າ ແຫ່ງຊາດ ຫລັກ
16,ມອບ-ຮັບບ້ານຊີເກມ ແລະ ການເຄື່ອນໄຫວອື່ນໆ
ເປັນການຝຶກແອບ ຕົວຈິງໃຫ້ເຂົາເຈົ້າຮູ້ຈັກ
ການແກ້ໄຂສະຖານະການແນວໃດເວລາຜິດພາດ
ແລະ ພວກນາງ ກໍເຮັດໄດ້ດີ.
*
ຄັດຈາກ: ຫນັງສືພິມ ຂປລ, ສະບັບວັນທີ
10-11-2009 |
