|
ບັນດາຜູ້ຈັດການທິມບານເຕະຍິງ 4 ຊາດ ໄດ້ໃຫ້ທັດສະນະກ່ຽວກັບຄວາມພ້ອມຂອງທິມຕົນເອງ
ກ່ອນລົງສະໜາມ
ນັດທຳອິດໃນງານມະຫະກຳກີລາຊີເກມ ຄັ້ງທີ 25
ທີ່ ສປປ ລາວ ໄດ້ຮັບກຽດເປັນເຈົ້າພາບ ຈັດ
ຂື້ນໃນລະຫວ່າງວັນທີ 9-18 ທັນວາ 2009 ໃນວັນທີ
3 ທັນວາ 2009
ຢູ່ທີ່ສູນເຝິກກີລາບານເຕະແຫ່ງຊາດ (ຫ້ວຍຫົງ)
ດັ່ງມີລາຍລະອຽດຄື: ທ່ານ Frederico
ຜູ້ຈັດການທີມຊາດໄທ ໄດ້ກ່າວວ່າ:
ນັກເຕະທິມຊາດໄທມີຄວາມພ້ອມທີ່ຈະລົງສະໜາມໃນງານມະຫະກຳກີລາ
ຊີເກມຄັ້ງນີ້ ເຊິ່ງບັນຫາໜັກແມ່ນເລື່ອງຄູ່ຕໍ່ສູ້
ເພາະວ່າເຂົາເຈົ້າກໍໄດ້ພັດທະນາມາເປັນຢ່າງດີ
ສະນັ້ນ ເຮົາຕ້ອງເບິ່ງກັນ
ໃນການແຂ່ງຂັນເທົ່ານັ້ນ ແຕ່ພວກເຮົາກໍມີຄວາມໝັ້ນໃຈວ່າຈະຜ່ານຄູ່ຕໍ່ສູ້ໃຫ້ໄດ້
ເພາະວ່ານັກເຕະຫຼັກໆດີໆຂອງທິມແມ່ນ
ໄດ້ລົງສະໜາມໝົດທຸກຄົນ.
ທ່ານ Zhang Yen
ຜູ້ຈັດການທິມຊາດມາເລເຊຍໄດ້ກ່າວວ່າ:
ສຳລັບທິມຊາດມາເລເຊຍສ່ວນຫຼາຍຍັງໃຊ້ຄູເຝິກເປັນຄົນ
ມາເລເຊຍ ສ່ວນນັກເຕະຍິງທິມຊາດ ແມ່ນໄດ້ເຝິກຊ້ອມຢ່າງໜັກກັບນັກເຕະຊາຍ
ເພາະວ່າແມ່ຍິງມາເລເຊຍບໍ່ຄ່ອຍຈະ
ເຕະບານເກັ່ງປານໃດ ເລື່ອງການຄາດຫວັງເປັນເຈົ້າຂອງຫຼຽນແມ່ນບໍ່ໄດ້ຄາດຫວັງສູງປານໃດ
ຄືກັບຊາດອື່ນທີ່ມີປະສົບ
ການແຕ່ກໍຈະສູ້ສຸດຂີດ ແລະ
ຈະປ້ອງກັນບໍ່ໃຫ້ທິມອື່ນຍິງປະຕູທິມຕົນເອງຫຼາຍ
ເຊິ່ງຢ່າງນ້ອຍພວກເຮົາຄາດຫວັງຢູ່ອັນດັບທີ 3
ສຳຄັນທີ່ສຸດແມ່ນ ເພື່ອເກັບປະສົບການ ເພື່ອປັບປຸງທິມກໍຄືພັດທະນາໃນຕໍ່ໜ້າ.
ທ່ານ Ohn Kyaing ຜູ້ຈັດການທິມຊາດມຽນມາ ໄດ້ກ່າວວ່າ:
ນັກເຕະທິມຊາດຊຸດນີ້ລ້ວນແລ້ວແຕ່ແມ່ນນັກເຕະມີປະສົບ
ການສູງ ມີຄວາມສາມາດ ແລະ ມີອາຍຸຕ່ຳ
ສຳລັບຄວາມຫວັງແມ່ນຈະຍາດເອົາແຊັມກັບບ້ານໃຫ້ໄດ້ສຳລັບທິມທີ່ແຂງ
ແລະ ຄາດວ່າຈະໄດ້ຕັດສິນກັນໃນຮອບສຸດທ້າຍ
ກັບທິມຕົນເອງ ຄິດວ່າຈະແມ່ນທິມຊາດໄທ ຫຼື
ຫວຽດນາມ ເພາະ 3 ທິມນີ້ ໄດ້ຜັດປ່ຽນກັນເປັນແຊັມຕະຫຼອດສຳລັບນັດທຳອິດ
ທີ່ຈະລົງແຂ່ງຂັນແມ່ນຈະພົບກັບທິມເຈົ້າພາບ
ສປປ ລາວ ເຖິງວ່າ ຈະເປັນນັດທຳອິດ ແຕ່ພວກເຮົາກໍຈະບໍ່ປະໝາດ
ແລະ ສູ້ສຸດຂີດ ເພື່ອຍາດໄຊຊະນະໃຫ້ໄດ້
ສຳລັບຜົນງານໃນຊີເກມ ຄັ້ງທີ 24 ທີ່ປະເທດໄທ
ທິມຊາດມຽນມາແມ່ນໄດ້ທີ 3 ແຕ່ປີຜ່ານໆມາໄດ້ທີ
2 ສຳລັບງານແຂ່ງຂັນລາຍການອາຊຽນ ແຊັມປຽນຊິບ
ມຽນມາສາມາດຍາດໄດ້ແຊັມ 2 ຄັ້ງແລ້ວ.
ທ່ານນາງ ວາລີ ເວດສະພົງ
ຮອງຄະນະກຳມະການເຕະບານຍິງ
ຜູ້ຈັດການທິມຊາດລາວໄດ້ກ່າວວ່າ:
ພາຍຫຼັງທີ່ໄດ້ ເກັບຕົວ ເຝິກຊ້ອມມາໄດ້ 7 ເດືອນ
ກວ່າຜ່ານມາຮອດປັດຈຸບັນທິມຊາດລາວ ແມ່ນມີຄວາມພ້ອມທີ່ຈະລົງສະໜາມ
ບໍ່ວ່າຈະເປັນດ້ານຈິດໃຈກໍຄືຮ່າງກາຍ ແຕ່ເຖິງຢ່າງໃດກໍດີ
ພວກເຮົາກໍຍັງມີປະສົບການໜ້ອຍ ຖ້າທຽບໃສ່ໄທ
ຫວຽດນາມ ແລະ ມຽນມາ ເພາະວ່າເຮົາຫາກໍໄດ້ສົ່ງເຂົ້າຮ່ວມໃນຊີເກມຄັ້ງຜ່ານມາ
ສະນັ້ນ ໃນເບື້ອງຕົ້ນພວກເຮົາມີຄວາມຫວັງ 50%
ໃນການຍາດຊີງຫຼຽນໄຊ ໂດຍໄລຍະຜ່ານມາ
ພວກເຮົາກໍໄດ້ເຕະອຸ່ນກັບຫວຽດນາມ ໄທ
ສຳລັບການວາງແຜນທິມ ແມ່ນຂໍປິດລັບໄວ້ກ່ອນ
ສ່ວນເປົ້າໝາຍແມ່ນຄາດວ່າຈະສູ້ຊົນໃຫ້ໄດ້ຫຼຽນໃດ
ຫຼຽນໜື່ງ ໂດຍໃນຊີເກມຄັ້ງກ່ອນພວກເຮົາ ແມ່ນໄດ້ອັນດັບ
4 ແລະ ແນ່ນອນຄັ້ງນີ້
ພວກເຮົາຈະສູ້ຊົນໃຫ້ດີຂື້ນສູ່ອັນດັບ 3-2
ຫຼື ອັນດັບ 1 ຕໍ່ໄປ ໂດຍນັກເຕະ
ທີ່ຈະລົງສະໜາມລ້ວນແລ້ວ ແຕ່ເປັນນັກເຕະດີໆ
ແລະ ມີຄວາມສາມາດສູງ.
*
ຂັດຈາກ: ໜັງສືພິມວຽງຈັນໃໝ່, ສະບັບວັນທີ
04-12-2009 |
